Жэжү арал (солонгосоор 제주도; t͡ɕed͡ʑudo) нь Өмнөд Солонгосын Жэжү муж (Жэжү өөртөө засах тусгай муж)-ид харьяалагддаг. 1833.2 км² талбайг эзлэн орших тус арал нь Өмнөд Солонгосын нийт нутгийн 1.83 хувь буюу тус улсын хамгийн том арал бөгөөд байгалийн үзэсгэлэнт газрууд, өвөрмөц соёл, олон янзын үзвэрүүдээрээ алдартай аялал жуулчлалын томоохон бус нутаг юм. Жилд дунджаар 12 сая хүн уг арлыг үзэж сонирхохоор ирдэг ба арлын оршин суугч гэж бүртгэгдсэн 670,000 орчим хүн байдаг аж. 

Жежү арал бол Халласан уулын дэлбэрэлтээс үүссэн галт уулын арал бөгөөд энэ нь арлын төвд орших унтаа галт уул юм. Төрөл бүрийн толгод, үржил шимт талбай, галт уулын тогоо, гайхалтай далайн эргийг эндээс үзэж болно. Тус арал нь Жежүгийн хоолой, Зүүн Хятадын тэнгисийн гүн цэнхэр усаар хүрээлэгдсэн байдаг.

Жуулчдын хамгийн их зорин очдог зуны улиралд 25-30 хэмийн дулаан, хавар, намрын улиралд 15-20 хэм, өвөл 5-10 хэм хүртэл хүйтэрдэг.  Цас орох нь ховор, гэхдээ хааяа тохиолддог. Хавар, намрын улиралд тав тухтай температур, чийгшил багатай хамгийн тааламжтай улирал гэж тооцогддог.

Жежү арал нь соёлын өвөрмөц онцлогтой бөгөөд уламжлалт заншлаа хадгалан үлдсэнээрээ алдартай. Хамгийн алдартай заншлын нэг бол далайн хоол бэлтгэхийн тулд шумбаж буй "Хаенёо" эмэгтэй шумбагч нарын дүр зураг юм. Энэхүү соёлыг ЮНЕСКО-гоос биет бус соёлын өв хэмээн хүлээн зөвшөөрсөн байдаг.

Жэжүгийн уламжлалт архитектур, тэр дундаа сүрлэн дээвэртэй байшингуудыг арлын “Эртний тосгоноос” олж харах боломжтой бөгөөд энэ нь түүний түүхэн өнгөрсөн үеийг харуулдаг.

Тус арал нь эх газарт ярьдаг солонгос хэлнээс ялгаатай өвөрмөц аялгуугаараа алдартай.

Нар мандах оргил. /Seongsan Ilchulbong/. ЮНЕСКО-ын дэлхийн өвд бүртгэгдсэн, сөнөсөн галт уулын тогоо, панорама үзэмжээрээ алдартай галт уулын оргил. Энд ялангуяа нар мандах үед явган аялал хийх нь түгээмэл байдаг.

Жежү эртний тосгон. Жежүгийн архитектурын өв, соёлын арга барилыг харуулсан сэргээн босгосон уламжлалт тосгон. Энэ тосгон нь Жэжү арлын нутгийн ард түмний эдэлж, хэрэглэж байсан хоол хүнс, орон байртай танилцаж тухайн цаг үед очсон мэт сэтгэгдэл төрүүлдгээрээ онцлог юм.

О'Суллок цайны музей. Цайны соёлд зориулагдсан энэхүү музей нь Солонгосын уламжлалт цайны үйлдвэрлэлийн талаарх ойлголтыг өгдөг.

Жэжү Лавланд /Loveland/ Хайр ба бэлгийн харилцааны сэдвүүдийг судалдаг насанд хүрэгчдэд зориулсан баримлын парк.

Нууцлагдмал зам /Mysterious Road/. Таталцлын хуулийн дагуу уулын уруу өнхөрдөг байтал, энэ зам дээр эсрэгээрээ. Зам дээр тавьсан савтай ус замын өгсүүр хэсэг рүү өнхөрдөг. Машин ч мөн адил өөрөөр нь орхиход өгсөж явдаг байна.

Cheonjiyeon waterfall.  Тэнгэр газрыг холбогч хэмээдэг Чонжиён хүрхрээ.

Луун толгойт хавцал, цохио. /Dragon Head rock/. Эр үед луу Халла уулаас үхэшгүй мөнхийн залуу болгох навч авахаар явж байгаад уулын бурхныг хилэгнүүлж түүний суманд өртсөнөөр хад цохио болон хувирсан түүхтэй. Лууны толгой цохио нь тэнгэр өөд тэмүүлсэн байдалтай харагддаг.

Шинхуа усан парк /Shinhwa water park/. Гэр бүлийн гишүүн бүрт зориулсан усан тоглоом, үйлчилгээтэй. Парк дотор Солонгос үндэсний хоол  идэж, хүйтэн шар айраг уух боломжтой.

Жэжү далайн эрэг. Эрэг хэсгээр элстэй учир наранд тухлан сууж далайг харахад маш тохиромжтой. Мөн усанд сэлж, сурфинг хийж болно.

Жежү арал нь шинэхэн далайн хүнс, хар гахайн махны өвөрмөц амтаараа алдартай.

Жэжү арал үзэсгэлэнт байгаль, баялаг соёл, өвөрмөц үзвэрүүдийг хослуулсан нь түүнийг дотоодын болон олон улсын жуулчдын зорин очих шалтгаан болдог.

Жэжү арал (солонгосоор 제주도; t͡ɕed͡ʑudo) нь Өмнөд Солонгосын Чэжү муж (Чэжү өөртөө засах тусгай муж)-ид харьяалагдах, тус улсын хамгийн том арал юм. 1833.2 км² талбайг эзлэн орших тус арал нь Өмнөд Солонгосын нийт нутгийн 1.83 хувь болно. 2020 онд арлын оршин суугч гэж бүртгэгдсэн 670,000 орчим хүн байв.

Өмнөд Солонгос улс нь Ази тивийн эх газрын зүүн хэсэгт байрладаг ба Солонгосын хойгийн өмнөд хэсэг болох 45%-ийг эзэлдэг. Өмнөд Солонгосын эдийн засаг 1960-аад оны эхэн үеэс хойш эрчимтэй өсөж яваа. Тухайн үеийн хөдөө аж ахуй зонхилсон буурай Өмнөд Солонгосоос одоо дэлхийн хамгийн өндөр аж үйлдвэржсэн орнуудын нэг болжээ. Энэхүү өсөлт нь юуны түрүүнд экспортод чиглэсэн үйлдвэрлэл, өндөр ур чадвар, боловсролтой ажиллах хүч, засгийн газрын хүчтэй дэмжлэг нөлөөлсөн. Өмнөд Солонгосын хүн амын бараг бүхэлдээ солонгос үндэстэн бөгөөд япон ба хятад гаралтай иргэд 3 гаруй хувийг эзэлдэг, гэсэн хэдий ч даяарчлалын нөлөөгөөр өөр улс орны иргэд ч иргэншлээ шилжүүлэх нь элбэг болсон. Нийт 100,339 км² газар нутгийг эзэлдгээрээ дэлхийд 109-д ордог, 51.74 сая гаруй хүн амьдардаг.

Тус улс нь хойд талаараа БНАСАУ (Хойд Солонгос), зүүн талаараа Зүүн тэнгис (Японы тэнгис), өмнө талаараа Зүүн Хятадын тэнгис, баруун талаараа Шар тэнгистэй хиллэдэг; зүүн өмнөд талаараа Японы Цушима арлаас Солонгосын хоолойгоор тусгаарлагддаг. Өмнөд Солонгос нь боржин чулуу, гнейс зэрэг Кембрийн өмнөх үеийн чулуулаг ихээхэн газар нутгийг нь бүрдүүлдэг байна. Тус улс нь ихэвчлэн уулархаг, жижиг хөндий, нарийхан эрэг орчмын тэгш талтай. Эх газраас зүүн тийш 140 км-ийн зайд орших Жэжү, Уллэнг гэсэн хоёр галт уулын арлуудтай, Кангвон мужид нь жижиг хэмжээний лаавын өндөрлөг байдаг.

Мөнгөн дэвсгэрт: Өмнөд Солонгос вон (KRW) ￦1313.08 = $1

Визний журам: Монгол улсын иргэд https://overseas.mofa.go.kr/mn-mn/wpge/m_276/contents.do вэбсайтаар зочилж визний журамтай танилцана уу.

Инчоны олон улсын нисэх онгоцны буудал (ICN): Сөүл хотоос баруун тийш 48 км-ийн зайд байрладаг.

Нисэх онгоцны буудлын төмөр замын экспресс (AREX): Сөүл хотын төвд хүрэх хамгийн хурдан арга бол AREX галт тэрэг юм. Сөүл буудалд хүрэхэд ойролцоогоор 43 минут шаардагдана.

Нисэх онгоцны буудлаас явдаг урт автобуснууд: Нисэх онгоцны буудлын автобуснууд Сөүл хотын янз бүрийн хэсэгт, тэр дундаа томоохон зочид буудал, хороолол руу явдаг.

Такси: Нисэх онгоцны буудал дээр такси ашиглах боломжтой. Сөүл хотын төв хүртэл замын хөдөлгөөнөөс хамааран ойролцоогоор 45-60 минут үргэлжилнэ.

Тээврийн үйлчилгээ: Зарим зочид буудал, тур операторууд нисэх онгоцны буудлын тээврийн үйлчилгээг санал болгодог.

Гимхэ олон улсын нисэх онгоцны буудал (PUS) - Бусан: Бусаны Гимхэ хотоос баруун тийш 22 км-ийн зайтай.

Хөнгөн төмөр замын транзит (Gimhae LRT): Гимхэгийн хөнгөн төмөр замын транзит нь Гимхэ олон улсын нисэх онгоцны буудлыг Бусан дахь Сасанг өртөөтэй холбодог. Аяллын хугацаа ойролцоогоор 28 минут байна.

Нисэх онгоцны буудлаас явдаг урт автобуснууд: Урт автобуснууд Бусан хотын янз бүрийн хэсэгт, тэр дундаа томоохон зочид буудал, тээврийн төвүүд рүү явдаг.

Такси: Нисэх онгоцны буудлын зогсоолоос суух боломжтой. Бусан хотын төв хүртэл замын хөдөлгөөнөөс хамааран 30-40 минут орчим үргэлжилнэ.

Чэжү олон улсын нисэх онгоцны буудал (CJU) - Чежү арал:

Нисэх онгоцны буудлаас явдаг урт автобуснууд: Урт автобуснууд Чежү олон улсын нисэх онгоцны буудлаас арлын янз бүрийн цэгүүд, тэр дундаа Чежү хот болон аялал жуулчлалын томоохон газруудад үйлчилдэг.

Такси: Нисэх онгоцны буудлын зогсоолоос суух боломжтой. Арлын өөр өөр хэсэгт аялах хугацаа өөр өөр байдаг.

Нийтийн автобус: Нийтийн автобуснууд нисэх онгоцны буудлаас Чежү арлын өөр өөр хэсгүүдтэй холбогддог.

Өмнөд Солонгос улсаар аялахад заавал үзэх газрууд

Сөүл хот: Кёнбокгун ордон, Букчон Ханок тосгон, хөл хөдөлгөөн ихтэй Dongdaemun Design Plaza зэрэг алдартай газруудаар нь заавал дайраад гараарай. Ганнам, Хонгдэ зэрэг дүүргүүдэд нь очиход ч мөн илүүдэхгүй.

Чандеокгун ордон ба Нууц цэцэрлэг (Сөүл): ЮНЕСКО-гийн Дэлхийн өвд бүртгэгдсэн үзэсгэлэнт Чандэокгун ордонтой танилцаж, нууцлаг цэцэрлэгт хүрээлэнгээр зугаалж болно.

Чэжү арал: Халласан үндэсний цэцэрлэгт хүрээлэн, Манжангуль агуй, Чонжиён, Жонбанг зэрэг байгалийн үзэсгэлэнт газруудыг үзэх "Бурхдын арал"-д зочилно уу.

Бусан: Haeundae, Gwangalli наран шарлагын газруудад амарч, Жагалчи загасны захыг үзэж, Беомеоса сүмд зочлоорой. Гамчоны соёлын тосгоноор зугаалахаа бүү мартаарай.

Кёнжү: "Ханагүй музей" гэгддэг Кёнжү хот түүхээр дүүрэн газар юм. Булгукса сүм, Сеокгурам ангал, Анапжи цөөрөм, Даереунвон булшны цогцолбор дахь эртний булшнуудыг үзэж болно.

Инчон: Инчон нь олон улсын нисэх онгоцны буудлаас гадна Чайнатаун, Инчон Гранд цэцэрлэгт хүрээлэн, Сонгдогийн төв цэцэрлэгт хүрээлэн зэрэг сонирхолтой газруудтай.

Сувон: ЮНЕСКО-гийн Дэлхийн өвд бүртгэгдсэн, эртнээс хадгалагдан үлдсэн Хвасон цайзтай танилцаарай. Сувон нь Солонгос шарсан тахиагаараа алдартай тул та очсон бол заавал шарсан тахиаг нь амтлаарай.

DMZ (цэрэггүй бүс): Хойд болон Өмнөд Солонгосыг тусгаарладаг, 4 км-ийн урттай цэрэггүй бүс болох DMZ-г үзэж болно. Хамтарсан хамгаалалтын бүс (JSA) болон 3-р нэвчилт туннелд зочилно.

Андонг: Андонг нь Солонгосын уламжлалт соёлыг мэдрэх хамгийн тохиромжтой газар юм. Уламжлалт байшингуудаараа алдартай Хахое ардын тосгон болон Досан Сеовон Күнзийн академид зочлоорой.

Жонжү: Бибимбапын төрсөн газар гэгддэг Жонжү бол хоолонд дурлагсдын диваажин юм. Ханок тосгонтой танилцаж, нутгийн хоолнуудыг идэж, хотын урлагийн үзүүлбэрүүдийг үзээрэй.

Өмнөд Солонгос улсад заавал хийж үзэх зүйлс

Кёнбокгун ордонтой танилц: Жусон гүрний үед баригдсан таван том ордны хамгийн том нь болох Кёнбокгунг ордонгоор зочлоорой. Харуул солигдох ёслолыг үзэхийг зөвлөж байна.

Хан мөрний эрэг дээр суух: Сөүлийн үзэсгэлэнт газруудын гайхалтай үзэмжийг, ялангуяа оройн цагаар зугаалахыг санал болгож, Хан мөрний эрэг дагуу тохижуулсан суух хэсгүүд элбэг, та хүргэлтээр хоол, уух зүйлээ захиалхаад бяцхан зугаалга хийж болно.

Seoraksan National Park-д явган аялах: Seoraksan National Park-н байгальд явган алхалт хийгээрэй. Гайхамшигтай байгаль, хадны тогтцуудаас гадна цэцэрлэгт хүрээлэнгийн эртний сүм хийдүүдэд зочлоорой.

Уламжлалт үзүүлбэр үзэх: Солонгосын уламжлалт урлагийн бүжиг, жүжиг зэрэг тоглолтыг үзээрэй. Нанта, аман бус инээдмийн шоу, Үндэсний Гугак төвд зохион байгуулагддаг уламжлалт үзүүлбэр үзэхийг зөвлөж байна.

Буддын сүмд очиж үзэх: Буддын шашны соёлыг мэдрэхийг хүсвэл ариун сүмд түр хугацаагаар оршин суух хөтөлбөрт хамрагдаж, эсвэл нэг өдрийг ч сүсэгтэн шиг өнгөрөөж болно. Бясалгалд оролцож, ариун сүмийн ёс зүйд суралцан, цагаан хоол идээрэй.

Букчон Ханок тосгоноор ханбоктой алхах: Солонгосын уламжлалт байшингуудтай (ханокууд) Бүкчон Ханок тосгоны нарийхан гудамжаар ханбок түрээслэн аваад алхаарай, магадгүй бяцхан зураг авалт ч хийж болох юм.

Дэлгүүрийн гудамж Myeongdong: Сөүлийн хөл хөдөлгөөн ихтэй худалдааны дүүрэг, моод загвар, гоо сайхны бүтээгдэхүүн, гудамжны хоолоор алдартай Мёндонгид очиж дэлгүүр хэсэж өөрийгөө эрхлүүлээрэй.

Гуанжанг зах явж хоол идээрэй: Гуанжанг зах дээр байдаг хоолны лангуунуудаар очоорой. Биндаетток (хушны бин), маяк кимбап (жижиг будааны ороомог) зэрэг төрөл бүрийн нутгийн хоолыг идэж боломжтой.

Солонгос (ᠰᠣᠯᠣᠩ᠌ᠭ᠋᠋ᠣᠰ солонггос, солонгосоор өмнөд улсад нь 한 хань, умард улсад нь 조선 чусонь) гэж Ази тивийн дорнод захад оршсоор ирсэн төр, улс, орон, түүн дээр хэл соёл, зан заншлаар ялгаран бүрэлдсэн ард түмний ерөнхий нэрийдэл юм.

Jeju