Дундговь аймаг нь Өвөрхангай, Өмнөговь, Төв, Дорноговь аймгуудтай хил залгадаг. Аймгийн нутаг дэвсгэрийн хойд хэсэг хуурай хээрийн бүсэд, урд хэсэг цөлөрхөг хээрийн бүсэд багтдаг. Тус аймагт Дэлгэрхангай, Адаацаг, Их бага газрын чулуу зэрэг үзэсгэлэнт ховор сонин тогтоцтой уул-ууд, Эргэнэг, Нэмнээ, Хайрхан, Загийн усны хоолой зэрэг өргөн уудам говиуд, Өөш манхан, Цагаан суварга,  Дэлгэрийн Чойр, Сангийн далай, Үнэстэй, Зуут, Онгийн хийдийн туурь, зарим сүм дуган, Шарангадын Монгол бичигт агуй, Зараа бугын хөшөө, Дэл уулын 32 хүн хөшөөтэй булш, Ар зүлэгтийн дөрвөлжин булш зэрэг байгалийн өвөрмөц тогтоцтой, түүх соёлын дурсгалт олон арван газар байдаг. 

Дундговь аймаг нь 1941 онд Өмнөговь аймгаас 8 сум, Дорноговь аймгаас 3 сум, Төв аймгаас 7 сум тус тус шилжүүлэн 18 сумтайгаар одоогийн Өлзийт сумын нутаг Ембүү дэрсэнэ ус гэдэг газар Шарангад аймаг нэртэйгээр байгуулагджээ. 1942 онд аймгийн нэрийг Дундговь хэмээн өөрчилж аймгийн төв одоогийн оршин байгаа Зоогийн хар овоогийн энгэрт суурьшсан байдаг. Нийт газар нутгийн хэмжээ нь 74,690.32 км² юм.

Дундговь аймгийн үзэсгэлэнт газрууд

Дундговь аймгийн Говь-Угтаал, Гурвансайхан сумдын нутагт орших Их газрын чулуун уул нь Монголын их боржин бүсийн хамгийн их хэмжээтэй хэсэг юм. Хурц шовх оргил, үлдэц хадан цохио бүхий өвөрмөц тогтоцтой үзэсгэлэнт газрын нэг бөгөөд байгалийн үзэсгэлэн, газарзүйн онцлогийг хамгаалах зорилгоор 2003 онд УИХ-ын 30 дугаар тогтоолоор улсын тусгай хамгаалалтанд авч байсан юм.

Монголын түүх соёлын дурсгалд холбогдох хосгүй дурсгалуудын нэг бол Дэл уулын цогцолбор дурсгал юм. Дэл уул нь Дундговь аймгийн Өлзийт сумын Тагт багийн нутагт орших баруунаас зүүн тийш 17 км, хойноосоо урагш 8 км орчим сунаж тогтсон жижиг жижиг дэл маягийн хаднуудаас бүрдэх бөгөөд урд хэсгээрээ Хөнжлийн уул, хойд хэсгээрээ Цагаан суваргатай хил залган оршдог.

Дундговь аймгийн Адаацаг Дэлгэрцогт сумын дунд орших Бага газрын чулуу бол урт нь 15 км өргөн нь 10 гаруй км үргэлжлэх боржин чулуун уул юм. Хамгийн өндөр цэг нь далайн түвшнээс дээш 1768 м өндөрт өргөгдсөн Тахилгын хавцал юм.

4. Онгийн хийдийн туурь

Дундговь аймгийн Сайхан-Овоо сумын нутагт Онгийн голын ус ургамал жигдэрсэн үзэсгэлэнт нэгэн тохойн зүүн эрэгт Сайхан-Овоо уулын энгэрт байдаг туурь. Онгийн хийдийг Түвдээр “Гүнджамбаалин” хийд гэдэг бөгөөд энэ нь “Хотол өглөгч” гэсэн утгатай билээ.

Дуу хуурын өлгий нутаг гэгдэх Дундговь аймагт Монголын хамгийн том морин хуур байдаг. Түүний өндөр нь дөрвөн давхар барилгатай дүйцэх юм. Дэлхий дахиныг хос чавхдасаараа уяруулан, байлдан дагуулсан морин хуурыг Монголчууд дээдэлдэг. Морин хуур хөгжмийг бараг мянгаад жилийн өмнөөс үүсгэсэн бөгөөд Монголчуудын тусгаар тогтнолын хамгийн том бэлгэ тэмдэг, баталгааны нэг юм.

Дундговь аймгийн төвөөс урагш 130 гаруй км яваад  Өөш манханд хүрнэ. Өлзийт сумын нутаг дахь  энэ манхан олон жилийн элсний нүүдэл, цөлжилтийг үл ажран  нэг км урт, зуу гаруй метр өндөр элсэн уул хөндөлсөн шаргалтсаар заг, бударганат говио чимэглэж байна. Хөлийн аясаар урсан нурах  элсэн уулын оройд мацан гарвал  оройн ирмэг хутганы ир шиг агаад  хялгана ч үл хөдлөх салхигүй атал шар торгон мяндас  хийсэх адил торгон элс намиатан байх аж.

Дундговь аймгийн нутагт байх Дэлгэрхангай уулыг эрт цагт Инэл хан уул гэдэг байж. Инэл гэдэг нь энгүй их, маш их, их юмны таг гэсэн утгатай үг байгаа юм. Дэлгэрхангай уулын яг орой дээр хэвлий (хэвтэш) маягийн томоос том талбай байдаг. Түүнийг Алтан тэвш гэдэг юм.

Дундговь аймаг Улаанбаатар хотоос хэдэн км вэ?

Дундговь аймаг нь Улаанбаатар хотоос Улаанбаатар хотоос 260 км зайтай юм.

Дундговь аймаг руу аялахад анхаарах зүйлс

1. Дундговь аймаг нь халуун уур амьсгалтай та цаг агаарын мэдээг урьдчилан харж хувцсаа тохируулан өмсөөрэй.

2. Өөрийн хувийн хэрэгслээ сайн бэлтгэн гарах, осол аваараас сэргийлэн хурдаа таруулан явах, урьдчилан явах зам аа шийдэх, байгаль орчноо сэвтүүлэхгүй байх хэрэгтэй.

3. Сүлжээгүй үед ашиглах газрын зураг авч явах эсвэл газар сайн мэддэг хөтөчтэй явах

4. Зуны улиралд жуулчны бааз болон амралтын газрууд битүү байдаг учир урьдчилан захиалга өгөх.

5. Төв хэсгээс холуур аялж яваа бол урьдчилан сэргийлэх зорилгоор эм тариа авч явах

Дундговь аймаг нь Өвөрхангай, Өмнөговь, Төв, Дорноговь аймгуудтай хил залгадаг. Аймгийн нутаг дэвсгэрийн хойд хэсэг хуурай хээрийн бүсэд, урд хэсэг цөлөрхөг хээрийн бүсэд багтдаг. 

Монгол Улс нь дорнод болон төв Азид орших бүрэн эрхт улс. Хойд талаараа Орос, бусад талаараа Хятад улстай хиллэдэг, далайд гарцгүй улс юм. Монгол улсын нийт газар нутгийн хэмжээ нь 1,564,116 км2 бөгөөд газар нутгий хэмжээгээрээ дэлхийд 18-н жагсдаг байна. 

Монгол Улс нь дорнод болон төв Азид орших бүрэн эрхт улс. Хойд талаараа Орос, бусад талаараа Хятад улстай хиллэдэг, далайд гарцгүй. Нийслэл — Улаанбаатар хот