Герман нь Европын тивийн төвд Альпийн нуруунаас хойд зүгт Германы төв өндөрлөг, хойд Германы тэгш талыг хамардаг. Герман гэдэг нэр нь тодорхой газар нутгийг нэр төдийгүй олон мянган жилийн турш Альпийн нурууны хойд хэсэг, баруун Европын ихэнх хэсэгт амьдарч байсан герман хэлээр ярьдаг ард түмнийг төлөөлөх нэр байжээ. Европын хамгийн том орнуудын нэг болох Герман нь олон янз газар зүйн онцлогтой, өмнөд хэсгийн өндөр, шовх уулс, хойд хэсгийн элсэрхэг тал; хотжсон баруун хэсгийн ойт толгод, болон зүүн хэсэгт газар тариаланд таатай тэгш талтай. Нийт 351’114 км2 газар нутагтай, дэлхийд 63-д ордог, 86.3 сая гаруй хүн амтай байна.

Тус улсын нийслэл Берлин хот нь дэлхийн 2-р дайны үнс нурмаас хурдацтай ангижирсан, улсынхаа зүүн төв хэсэгт байрладаг ба дундуур урсдаг Рейн мөрөн нь Швейцариас эхтэй бөгөөд уран зураг, уран зохиол, ардын аман зохиол, дуунд дурьдагддаг. Неккар, Майн, Мозель, Рур зэрэг дундад зууны үеийн олон зуун шилтгээн, сүм хийд, үзэсгэлэнт тосгон, захын хотууд, боловсрол, соёлын төвүүд байдаг бөгөөд эдгээрээс хамгийн алдартай нь Хайдельберг. 1386 онд үүсгэн байгуулагдсан Европын хамгийн эртний их сургууль болон Европын хамгийн чухал хэвлэлийн төвүүдийн нэг байсан Майнц хот. Байгалийн үзэсгэлэнт газар, түүх, соёл, хоол хүнс тэр дундаа шар айраг, нарийн боов, зайдас нь жил бүр тус улсыг олон сая жуулчид зорих шалтгаан болдог.

Ерөнхий мэдээлэл

Мөнгөн дэвсгэрт: Евро (EUR) €0.93 = $1

Хэл: Герман хэл

Визний журам: Шенгений виз мэдүүлнэ. Дэлгэрэнгүй мэдээллийг ЭНДЭЭС аваарай.

Герман улсын нисэх буудлууд:

Франкфурт нисэх онгоцны буудал (FRA):
Нисэх онгоцны буудлаас Франкфурт хотын төв хүртэл ойролцоогоор 12 км-т байрладаг.
1. Галт тэрэг: Нисэх онгоцны буудлын галт тэрэгний зогсоол (Frankfurt Flughafen Fernbahnhof) нь Терминал 1-ийн доор байрладаг. Тогтмол галт тэрэгнүүд явдаг ба Франкфуртын гол галт тэрэгний өртөө хүртэл 15-20 минут явдаг.
2. S-Bahn: S-Bahn-ий S8 болон S9 шугамууд нь нисэх онгоцны буудлаас төв зогсоол болон хотын төвийн бусад трамны зогсоол руу явж болно. Ойролцоогоор 10-15 минут явна.
3. Такси: Терминалын гадна талд бэлэн байдаг бөгөөд хотын төв рүү явахад замын хөдөлгөөнөөс хамааран 20-30 минут зарцуулдаг.
Мюнхений нисэх онгоцны буудал (MUC):
Нисэх онгоцны буудлаас Мюнхен хотын төв хүртэл ойролцоогоор 38 км зайтай.
1. S-Bahn: S1 болон S8 шугамуудаас сонгон нисэх онгоцны буудлаас болон Мюнхен хотын төв өртөө /Munich Hauptbahnhof/ хооронд 40 минут явдаг.
2. Такси: Терминалуудын гадаа такси бэлэн байдаг ба замын хөдөлгөөнөөс хамааран хотын төв хүртэл 30-40 минут орчим явдаг.
Берлин Бранденбургийн нисэх онгоцны буудал (BER):
Берлин хотын төв хүртэл ойролцоогоор 24 км зайд байрладаг.
1. Галт тэрэг: Нисэх онгоцны буудлын экспресс (FEX) болон энгийн галт тэрэгний RE7 ба RB14 шугамууд нь Берлиний хотын төв өртөө /Berlin Hauptbahnhof/ явдаг ба ойролцоогоор 30-35 минут явдаг.
2. Такси: Терминалын гадна байрлах зориулалтын зогсоолоос олж болно. Хотын төв хүртэлх зам нь замын хөдөлгөөний нөхцөл байдлаас шалтгаалан ойролцоогоор 30-40 минут явдаг.

Герман улсаар аялахад заавал үзэх газрууд

Берлин:

Нийслэл хотод ирснээр та алдарт Бранденбургийн хаалга, Берлиний хана, Музейн арал зэрэг газруудыг багтаасан баялаг түүхтэй, эрч хүчийг мэдэрнэ. Төрөл бүрийн хороолол, урлагийн галерей, шөнийн амьдралыг мэдрээрэй.

Нойшванштейн шилтгээн:

Бавари мужид байрладаг энэхүү үлгэрийн мэт шилтгээнээс Уолт Диснейн Нойрсож буй гоо бүсгүйн шилтгээний санаа авчээ. Уулын орой дээр байрласан энэ шилтгээн нь хүрээлэн буй орчныг гайхалтай харууцтай бөгөөд Германы хамгийн их гэрэл зураг авагдсан газруудын нэг юм.

Колин сүм (Kölner Dom):

ЮНЕСКО-гийн Дэлхийн өвд бүртгэгдсэн энэхүү сүм нь Европын хамгийн гайхалтай готик сүмүүдийн нэг.

Хар ой (Шварцвальд):

Өтгөн ой мод, үзэсгэлэнт тосгонууд, байгалийн үзэсгэлэнт явган аяллын замаараа алдартай Германы хамгийн том ойт уулс. Ойролцоох дур булаам Триберг хотын хөхөөтэй цагийг бүү үзэхээ бүү мартаарай.

Хайдельберг:

Неккар голын дагуу оршдог Хайдельберг хотод Германы хамгийн эртний их сургууль, дундад зууны үеийн шилтгээн байдаг ба өнгөрснийг санагдуулам тосгон ч бий. Хайдельбергийн шилтгээнд зочилж, Философийн алхмаар зугаалж, хотын романтик уур амьсгалд нэг өдрийг өнгөрүүлээрэй.

Романтик маршрут (Romantische Straße):

Энэхүү маршрут нь Rothenburg ob der Tauber, Dinkelsbühl, Füssen зэрэг үзэсгэлэнт хотууд болон дундад зууны үеийн тосгоноор дайран өнгөрдөг. Замдаа Германы өвөрмөц сэтгэл татам тосгодоор зочилж, зочломтгой байдлыг нь мэдрээрэй.

Рейн хөндий /Rhein Valley/:

Рейн голын дагуу аялж, түүний гайхалтай тогтоц, эртний цайзууд, усан үзмийн модоор бүрхэгдсэн толгодоор зугаалаарай. Замдаа Бахарах, Рүдешхайм, Кобленц зэрэг хотуудаар зочилж болно.

Дрезден:

"Эльба дээрх Флоренс" гэгддэг Дрезден нь Цвингерийн ордон, Фрауенкирх, Семпер дуурийн театр зэрэг барокко хэм маягийн архитектураараа гайхагддаг. Соёл, урлагтай нь танилцаарай.

Берхтесгадены үндэсний цэцэрлэгт хүрээлэн:

Баварийн Альпийн нуруунд орших энэхүү зэлүүд газар нь байгалийн үзэсгэлэн, тунгалаг нуурууд, уулархаг оргилуудтай. Königssee болон Бүргэдийн үүрийг (Kehlsteinhaus) бүү үзэхээ бүү мартаарай.

Хамбург:

Германы хоёр дахь том хот бол соёлын баялаг өвтэй, хөл хөдөлгөөн ихтэй Хамбург хот. Түүхэн боомттой нь танилцаж, далайн эргээр зугаалж, Шпейчерштадт, Миниатур, Элбфилармони зэрэг газруудаар зочлоорой.

Герман улсад заавал хийж үзэх зүйлс

Түүхэн хотуудаар зугаалах: Берлин, Мюнхен, Хамбург, Колин зэрэг түүхэн хотуудаар зугаалаарай. Үзэсгэлэнт дурсгалт газруудыг зорьж, музей үзэж, хот бүрийн баялаг түүх, соёлыг шимтэн сонирхоорой.

Үлгэрийн шилтгээнүүдэд зочлоорой: Бавари дахь Нойшванштейн цайз, Рейнланд дахь Бург Эльц, Баден-Вюртемберг дэх Хоэнцоллерн цайз зэрэг гайхалтай шилтгээнүүдэд заавал очоорой. Үлгэрийн мэт эдгээр цайзууд нь Германы дундад зууны үеийн өнгөрсөн үеийн өнгө төрх, инженерийн ухаан, сүр хүчийг мэдрүүлэх болно.

Октоберфестэд очих: Мюнхен дэх дэлхийн хамгийн том шар айргийн фестивальд нэгдэж, Баварийн соёлын нэг хэсэг болоорой. Уламжлалт хоол, амьд хөгжим, мэдээжийн хэрэг, шар айргийг герман зайдастай идэж, фестивалийн нэг хэсэг болох нь таны хийж үзэх зүйлсийг нэг.

Герман хоол: Братвурст, шницель, претзел, даршилсан байцаа гэх мэт Германы амтат хоолнуудыг идээрэй. Берлин дэх карривурст, Мюнхений weißwurst, Франкфурт дахь weisbein зэрэг бүс нутгийн онцлогуудтай зайдаснуудыг амталж үзэхээ бүү мартаарай.

Халуун рашаан сувиллын газруудад амрах: Германы дэлхийд алдартай халуун рашаан сувилал, эрүүл мэндийн сувиллын газруудад алжаалаа тайлаарай. Байгалийн халуун рашаанд орж, эмчилгээнд хамрагдаж, өөрийгөө эрхлүүлээрэй.

Зул сарын задгай худалдаа: Зул сарын баярын үеэр ид шидийн гэмээр чимэглэсэн задгай худалдааны төвүүдэд (Weihnachtsmärkte) очоорой. Гацуур модны чимэглэлийн лангуунуудаар явангаа халуун дарс (Glühwein) ууж, гар хийцийн бэлэг, баярын онцгой амттануудыг худалдаж аваарай.

Рейн голоор аялах: Рейн голын дагуу байгалийн аялал хийж, түүний үзэсгэлэн ай сав газрууд, дундад зууны үеийн цайзууд, дур булаам хотуудад очоорой. Домогт Лорелей хад, Рейн хөндийн усан үзмийн модоор бүрхэгдсэн толгодод заавал очоорой.

Баварийн Альпийн нуруун дахь явган аялал: Үдээсээ чангалаад Баварийн Альпийн гайхалтай уулсад аялалд гараарай. Уулын оргилууд руу мацаж, уулын нуга дундуур явж, мөнх цаст оргилууд, тунгалаг нууруудын гайхалтай үзэмжийг мэдрээрэй.

Карневалд оролцох: Колин, Дюссельдорф, Майнц зэрэг хотуудын Карневалын (Fasching эсвэл Fastnacht гэдэг) баярт оролцоорой. Лентаны өмнөх энэхүү баярын үеэр жагсаал, өнгөлөг хувцас, хөгжилтэй үдэшлэгүүд болдог.

Берлиний хананы дурсгалд зочлох: Берлиний хананы дурсгалд (Gedenkstätte Berliner Mauer) зочилж, Германы бараан түүхийн талаар мэдэж аваарай. "Үхлийн зурвас" болон харуулын цамхаг зэрэг хуучин хананы үлдэгдэлтэй танилцаж, Хүйтэн дайны үеийн Берлиний хуваагдлын талаар суралцаарай. Энэхүү дурсгал нь Германы өнгөрсөн үеийг дурсаж, ирээдүйд итгэх итгэлийн бэлгэдэл болжээ.

Харз уулсын ид шидийг мэдрээрэй: Ардын аман зохиол, байгалийн үзэсгэлэнт газруудаар дүүрэн Харз уулсын үзэсгэлэнт газруудаар зугаалаарай. Хамгийн өндөр оргил болох Броккений оргил руу галт тэргээр явж, эргэн тойрны ой мод, хөндийн ажаарай. Wernigerode, Quedlinburg зэрэг үзэсгэлэнт хотуудтай танилцаж, шулам, шидтэн, домогт амьтдын тухай үлгэр домог, домгийг нутгийн иргэдээр яриулаарай.

Герман улсад очоод амталж үзэх зүйлс

Bratwurst: Энэхүү зайдасны ихэвчлэн гахайн мах, үхрийн мах, тугалын мах төрөл бүрийн амтлагчаар амталдаг. Гич болон даршилсан байцаатай хамт идээрэй.

Pretzels (Brezeln): Зөөлөн эсвэл шаржигнуур, чихэрлэг эсвэл давсархаг, претзел нь Германчуудын дуртай зууш юм. Цөцгийн тос, гич эсвэл бяслагтай хослуулан иддэг.

Шницель: Нимгэн давтсан гахайн мах эсвэл үхрийн махыг талхны үйрмэгээр бүрж, шаржигнуур болтол нь шардаг ба ихэвчлэн төмсний салат эсвэл шарсан төмстэй хамт иддэг.

Даршилсан байцаа: Чимчигнэсэн, шаржигнуур, амттай даршилсан байцаа нь Германы хоолны сонгодог хачир бөгөөд ихэвчлэн хиам, гахайн мах эсвэл шарсан махтай хамт зооглодог.

Карриварст: Германы алдартай streetfood болох карриварст нь карри кетчуп, карри нунтгаар бүрсэн шарсан эсвэл утсан гахайн зайдас ба ихэвчлэн шарсан төмс эсвэл талхтай ирдэг.

Картоффелсалат (Төмсний салат): Чанасан төмс, сонгино, цуу, тос, гичээр амталсан Герман төмсний салат нь бидний идэж заншсан нийслэл салатнаас өвөрмөц амттай байх болно.

Алимны хуймаг: Германы уламжлалт амттан болох apfelstrudel нь синнамоноор амталсан алим, үзэм, бүйлс зэргийг нимгэн давхарга нарийн боовоор хуйлсан амттан юм. Нунтаг саахар, цөцгий эсвэл бүр зайрмагтай хамт иддэг.

Шар айраг (Bier): Герман нь пилнер, улаан буудайн шар айраг (Weißbier), лагер зэрэг олон төрлийн сонголттой шар айргийн соёлоороо алдартай. Уламжлалт шар айргийн паб эсвэл шар айргийн үйлдвэрт очиж үзээрэй.

Glühwein: Хүйтний улиралд, ялангуяа Зул сарын Баярын худалдаан дээр алдартай халуун халуун дарсыг амталж үзээрэй. Улаан дарсыг синнамон, жүржийн хальс зэрэг амталж бага зэрэг халаадаг.

Apfelschorle: Алимны шүүсийг оргилуун устай хольж хийсэн алимын сидер нь зуны халуун өдрүүдэд цангаа тайлах тохиромжтой сонголт.

Riesling Wine: Герман улс нь хуурай, чихэрлэг, төрөл бүрийн хоолтой сайн хосолдог өндөр чанарын Riesling дарс үйлдвэрлэдгээрээ алдартай.

Kaffee und Kuchen: Кофе ба бялуу нь ням гарагийн үдээс хойш ойр дотнынхондоо хамтдаа суудаг нандин уламжлал юм. Хар ойн бялуу (Schwarzwälder Kirschtorte) эсвэл Bee Sting бялуу (Bienenstich) гэх мэт Германы уламжлалт бялууг аяга кофе эсвэл цайтай хамт зооглоорой.

Герман улсаар аялахад зарцуулах төсөв

Бага төсөвтэй сонголтууд: өдрийн €80 - €120

Байр (хостел эсвэл гэстхаус): €40 - €100

Нийтийн тээвэр (нэг удаагийн эсвэл өдрийн тасалбар): €5 - €10

Таксины төлбөр (Хот дотор богино зайд): €10 - €20

Хоол (хямд ресторан, street food, хүнсний дэлгүүр): €25 - €40

Дундаж төсөвтэй сонголтууд: өдрийн €160 - €305

Байр (дунд зэрэглэлийн буудал эсвэл Airbnb): €100-200

Нийтийн тээвэр (нэг удаагийн эсвэл өдрийн тасалбар): €5 - €10

Таксины төлбөр (хот дотор богино болон дундаж зайнд): €15 - €30

Хоол (Дунд зэрэглэлийн ресторанууд): €40 - €65

Дээд зэрэглэлийн төсөв: өдрийн €290+

Байр (4 болон 5 одтой зочид буудал): €200+

Нийтийн тээвэр (нэг удаагийн эсвэл өдрийн тасалбар): €5 - €10

Таксины төлбөр (Дундажаас хол зайд): €20 - €40

Хоол (тансаг зэрэглэлийн ресторанууд): €65+

Герман улсад аялахад өдрийн дундаж зардал:

Нэг хүн өдөрт дунджаар €152 буюу $164-ыг зарцуулдаг байна. Хоолонд дунджаар €40 ($43)-г, тээврийн хэрэгсэлд €24 ($26), зочид буудалд €88 ($95) зарцуулдаг.

Хосоороо зочид буудалд байрлахад нэг шөнийн төлбөр €149 ($162), долоо хоног аялахад €2’121 ($2’295). Эдгээр зардлууд нь мэдээж дундажлагдаж гаргасан дүнгүүд тул та өөрийн төсөв, хүсэл сонирхолд тааруулан зардлаа тогтоох боломжтой.

Герман улсаар аялахад анхаарах зүйлс

Аялал жуулчлалын даатгал хийлгэх: Ямар улс руу зорчихдоо урьдчилан тооцоолоогүй нөхцөл байдлаас сэргийлж аяллын даатгал хийлгэж байгаарай. iTrip апп дээр 7 хоногийн аяллын даатгалыг 25,335₮-р хийлгээд 50000 долларын эрсдэлээс сэргийлээрэй.

Хувийн аюулгүй байдал: Эргэн тойрноо сайн ажиглах тэр дундаа жуулчин ихтэй, хүний хөлийн газруудаар явахдаа. Жуулчдын ихээр очдог газар, худалдааны төв, нийтийн тээврээр зорчихдоо халаасны хулгайгаас болгоомжилж өөрийн эд зүйлдээ гамтай хандах.

Энгийн шаардлагатай эм авч явах: Мэдээж аялж байгаа хүнд янз бүрийн л зүйлс тохиолдож болно. Боломжит эрсдэлээс сэргийлж толгойны эм, гэдэсний эм, харшлын эм, шархны лент зэрэгтэй авахад илүүдэхгүй.

Замын хөдөлгөөний аюулгүй байдал: Замын хөдөлгөөн замбараагүй байж болзошгүй тул зам гарах даа болгоомжтой байгаарай. Зориулалтын явган хүний гарцыг ашиглах, нийтийн тээврийн хэрэгслээр зорчих, орон нутгийн тээврийн хэрэгслээр зорчихдоо болгоомжтой байгаарай.

Нийтийн тээврийн ёс зүй: Нийтийн тээврээр зорчихдоо орон нутгийн ёс заншлыг баримтал. Өндөр настан, жирэмсэн эмэгтэйчүүдэд суудал санал болгож, галт тэрэг, автобусанд тайван орчныг бүрдүүлэх.

Трамвай харж зам гарах: Трамвайн замаар гарахдаа анхаарлаа хандуулаарай. Тусгай трамвай замтай ч ослоос зайлсхийхийн тулд хоёр талаа харж зам гараарай.

Халаасны хулгайгаас болгоомжил: Халаасны хулгайн гэмт хэргээс зайлсхийхийн тулд хөл хөдөлгөөн ихтэй газар сонор сэрэмжтэй байгаарай. Үнэт зүйлс хямгадаж, хувийн эд зүйлдээ анхааралтай хандаарай.

Залилангаас болгоомжил: Өөрийгөө цагдаа гэж хэлээд мөнгө нэхэх, тусламж хүсэх гэх мэт залилангаас болгоомжил. Жинхэнэ цагдаа нар зохих үнэмлэхтэй ба та тэднээс үнэмлэхээ үзүүлэхийг шаардаж болно.

Цаг баримтлах: Германчууд цаг баримтлахыг чухалчилдаг тул уулзалт, захиалга, нийтийн тээврээр зорчихдоо цагаа сайн бариарай. Хүндэтгэн үзэх шалтгаангүйгээр хоцорсон нь үл хүндэтгэсэн хэрэг гэж үздэг.

Бэлэн мөнгө болон карт: Кредит болон дебит картыг томоохон хотууд болон аялал жуулчлалын бүс нутагт өргөнөөр хүлээн зөвшөөрдөг ч жижиг хот, хөдөө орон нутагт , карт хүлээн авах боломж хязгаарлагдмал тул бэлэн мөнгө авч явахыг зөвлөж байна.

Хэлний бэрхшээл: Төв, том хотууд ихэнх германчууд англиар ярьдаг ч алслагдсан бүс нутагт бусадтай ойлголцохын тулд Герман хэл дээр цөөн хэдэн үндсэн хэллэг сурах эсвэл орчуулгын апп, өврийн тольтой яваарай.

Дүрэм, дүрмийг хүндэтгэх: ХБНГУ-д замын хөдөлгөөний дүрэм, хог хаягдал, хог хаягдлыг дахин боловсруулахтай холбоотой хатуу дүрэм, журамтай Торгууль, шийтгэлээс зайлсхийхийн тулд хууль тогтоомжтой танилцаарай.

Цаг агаарын өөрчлөлт: Хавар, намрын улиралд цаг агаар нь өөрчлөгдөөд байдаг тул та сэрүүн болох үед өмсөх гадуур хувцсаа цүнхэндээ авч яваарай.

Нэн шаардлагатай үед холбогдох дугаарын жагсаалт: Түргэн тусламж, гал команд, цагдаа 112 дугаараар холбогдож болно. Монгол улсаас Холбооны Бүгд Найрамдах Герман Улсад суугаа Элчин Сайдын Яамны дугаар +49 30474806 дотуур холбоос 0, +49 30474806 дотуур холбоос 22 /консулын хэлтэс/. Мөн нэмэлтээр өөрийн дотнын хүмүүс, аяллын компанийн дугаарыг авч яваарай.

Тухайн бүс нутагт ажилладаг утасны дугаар: Аяллын хугацаанд ашиглаж интернэт дататай дугаар аваарай. Олон нийтийн сүлжээнд гайхалтай аяллаа хуваалцахаас гадна шаардлагатай үед дуудлага хийхэд хэрэг болно. Тухайн бүс нутагт ажилладаг утасны дугаар: Аяллын хугацаанд ашиглах интернэт дататай Esim 16'890 хамгийн хямдаар iTrip-с аваарай 🧡

Аялал бол амьдрал ёом..

Ерөнхий мэдээлэл

Герман улсын нисэх буудлууд:

Франкфурт нисэх онгоцны буудал (FRA):

Мюнхений нисэх онгоцны буудал (MUC):

Берлин Бранденбургийн нисэх онгоцны буудал (BER):

Герман улсаар аялахад заавал үзэх газрууд

Берлин:

Нойшванштейн шилтгээн:

Колин сүм (Kölner Dom):

Хайдельберг:

Романтик маршрут (Romantische Straße):

Дрезден:

Берхтесгадены үндэсний цэцэрлэгт хүрээлэн:

Хамбург:

Герман улсад заавал хийж үзэх зүйлс

Герман улсад очоод амталж үзэх зүйлс

Герман улсаар аялахад зарцуулах төсөв

Бага төсөвтэй сонголтууд: өдрийн €80 - €120

Дундаж төсөвтэй сонголтууд: өдрийн €160 - €305

Дээд зэрэглэлийн төсөв: өдрийн €290+

Герман улсад аялахад өдрийн дундаж зардал:

Герман улсаар аялахад анхаарах зүйлс